المساعد الشخصي الرقمي

مشاهدة النسخة كاملة : استفسار الى خبراء الاسترالى او البداجى



mido.mo0on
19th April 2011, 01:11 AM
عندى جوزين عصافير استرالى كل جوز مطلع عصفورين واحد صحبى جالى وخلى الاربع عصافير الصغار مع ام واحده تاكلهم وتكبرهم وقالى كده الجوز اللى اخدنا منه عياله هيبيض تانى عاوز اعرف امته هيبيض تانى واعرف ازاى ان الدكر بيكسر وهل فيه ادوية تساعد على تخصيب البيض وايه اسمها وكيفيه استعمالها وهل الادوية ممكن تساعد فى زياده عدد البيض ؟؟؟؟
ارجو الرد على هذه الاسئلة
وشكراً

mohan
19th April 2011, 03:53 AM
السلام عليكم يا اخي في البدايه تاكد بان الزوج الاخر ياكل الصغار ومعني انه معه صغار فهذا دليل انه شغال وهو وسوف يبيض عندما يكتمل عنقود البيض عند الانثي لكن في الاول تاكد ان الا نثي تاكل الصغار عشان ممكن تضرب الصغار وتموتهم

أحمد فتحي
19th April 2011, 12:30 PM
اخى الكريم اولا مبروك الفروخ الجديده و ان شاء الله انتاج مميز

نأتى الان الى وضع الفروخ تحت زوج واحد

يجب الاخذ فى الاعتبار ما يلى

ان يكون عدد الفروخ تحت اى زوج لا يتعدى الخمسة فروخ و التأكد من ان الزوج يطعمهم بشكل جيد

و ان تكون فى الفروخ فى اعمار متقاربه و مساحة العش تسمح بهذا العدد

اما بخصوص ميعاد وضع الزوج الاخر للبيض فسيكون ذلك بمجرد الانتهاء من تكوين البيض داخل الانثى

و لتعلم اخى الكريم ان ما فعلته سليم و لكن تكراره كثيرا يرهق الطيور فلا تقوم بذلك كثير

فيجب ان يأخذ الزوج الدوره كامله من وضع بيض و الرقاد عليه و اطعام الفروخ الى الفطام ثم يبدأ فى الدوره الجديده

لان عملية وضع البيض عمليه مرهقه جدا للأنثى و تنقصها كثيرا من وزنها و الكالسيوم الموجود بجسمها

فأنصحك فى المرات القادمه بان تترك الازوج تكمل فروخها

و الله المستعان

mido.mo0on
20th April 2011, 01:02 AM
شكرا ليكم ولكن انا عملت كده لانى بصراحه شارى الجوز دول من واحد بفراخهم وكنت عاوز اتاكد بس انهم شغالين لانى مشوفتهمش باضو ولا نامو على بيض
وقصدت اشترى جوز بااولاده علشان اضمن ان الجوز منتج بردو قلقت لما لقيت لون الريش مقلب على اخضر والزوج الاصلى ازرق
كنت عاوز اعرف كمان الذكر لما يكون بيخصب البيض ويطلع فوق الانثى انا مبشوفهمش يعملو كده بس الانثى ديما تدخل البياضة طول اليل وبالنهار واقفه على بابها وبسمع صوت نقرها لكن مش بشوف الذكر وهوا بيطلع فوقها هل كده البيض مش هيكون مخصب وامته هتبيض واعرف منين ان البيض سليم افتراضا انها باضت
معلش لانى جديد فى الموضوع ده ونفسى اتعلم كتير
معلش فيه حاجة كمان هل هناك ادوية ممكن اديها للذكر علشان يكون حامى شويا ويخصب البيض ؟؟

أحمد فتحي
20th April 2011, 06:56 AM
اخى الكريم ان كان الزوج ازرق و الفروخ خضراء فلتعلم ان تلك الفروخ ليست فروخ هذا الزوج

لان اللون الاخضر سائد فلا يمكن انتاجه من زوج ازرق نهائيا

اما بخصوص تلقيح الذكر للأنثى قد يحدث ذلك و انت لا تراهم فى اى وقت اخر فيومهم من الفجر و حتى غروب الشمس و انت لا تجلس امامهم كل تلك الفتره

اما الادويه فيمكنك وضع الجرجير فهو مهم جدا جدا فى موضوع الخصوبه

و لكن لا تكثر منه لتجنب الاصابه بالاسهال و يمكنك وضع فيتامين هـ سيلينيوم بواقع 1 سم لتر ماء

mido.mo0on
20th April 2011, 01:18 PM
متشكر جدا على النصايح دى ربنا يكرمك يارب

mido.mo0on
22nd April 2011, 01:10 AM
استاذ احمد انا عارف انى هصدعكو هنا انا مصدقت انى الاقى حد يعملنى انا عارف انى بجد هتعبك معايا بس بعشمى والله

انا شوفت الدكر بيكسر الانثى مفروض بعدها تضع البيت امته ؟؟؟؟

أحمد فتحي
22nd April 2011, 08:20 PM
اخى الكريم نحن جميعا اخوه و لا نمل من الاسئله فهدفنا الافاده و الاستفاده من بعضنا البعض

اما بخصوص استفسارك فلا يوجد ميعاد معين و لكن فى اغلب الاوقات يكون من يوم الى 15 يوم

لانك قد تكون رأيتهم فى هذه المره و لكنها لم تكن الاولى و بتالى قد تبيض خلال ايام معدوده

و قد تكون المره الاولى فتأخذ فتره تصل الى اسبوعين لكى تضع البيض

mido.mo0on
23rd April 2011, 12:11 AM
تمام الله يبارك فيك

عندى استفسار تانى

كنت ماشى فى الشارع لمحت عيلين صغيرين معاهم قفص وفيه ذكر اصفر وزى ما يكونو بيلعبو بيه وبيحرقوه

بهدلتهم وزعقت فيهم المهم اشتريت القفص بالعصفور اللى فيه وبصراحه حالته تصعب على الكافر ريشه منتوف وبايش لانهم مغرقينه فى الميه

وصدره محروف جامد وشكلو مكلش من يجى سنه كده وبيقولو ان الانثى ماتت منهم ورموها انا اخدته وقدمتله اكل واكل وشرب بس شكله ضعيف جداا

يعنى احتمال يموت وميكملش للصبح ممكن تفيدنى باى حاجة اعملهاله علشان يرجع لحالته الطبيعيه لو ربنا ارادله انه يعيش

وبالنسبة للزوج اللى كنت بسال عنهم انا روحت الصيدليه وجبت ال ه سيليوم والراجل قالى ربع معلقه فى السقايه وللعلم اللى جبته مش سائل

دى بودرة بيضاء شبه النشا كده هل ربع معلقة كتير ولا قليل ولا مقول

وشكرا على اهتمامك بالرد على اسالتى

mido.mo0on
23rd April 2011, 03:15 AM
37838
37839
37841
37842

دى صورته

أحمد فتحي
23rd April 2011, 06:51 AM
اخى الكريم بارك الله فيك على تصرفك مع الذكر الجديد

و انصحك بألا تدخله على طيورك ابدا و عليك بوضع مطهر معوى فى المياه ( فلاجيل بشرى 2 سم على المسقاه)

و اهتم بتدفئته جيدا و التغذيه الجيده و ابتعد عن الخضروات و الاطعمه اللينه الان و اقتصر فى اطعامه على الحبوب فقط

و بعد جرعة الفلاجيل اخبرنا هل الاسهال توقف ام لا لاننى ارى اسهال لديه فى الصور كما انه نافش ريشه و ان كان هناك اسهال فهو السبب

و ان شاء الله تتحسن حالته قريبا

اما بخصوص طيورك اخى الفاضل جرعة الدواء تكون مكتوبه على الكيس او العبوه

و لكن عندما كنت استخدم الباودر فعلا فى بداية التربيه كنت اضع ربع معلقه صغيره او اقل بقليل على لتر ماء

و الله المستعان

mido.mo0on
23rd April 2011, 02:59 PM
بالنسبه للاسهال راح تماما لما سيبته فى الشمس النهارده مش بياكل غير من ارضيه القفص وديما واقف كاشش ولافف دماغه على ضهره ( وضع النوم )

وبالنسبه لفتحة الاخراج بتاعته الفضلات لونها غامق وكبيرة وبتلزق فى فتحه الاخراج مش عارف ده يبقى امساك ولا ايه ده

انا حطيت امبارح لما شوفته بياكل فيتامين اد3ه

هجيب الفلاجيل ده النهارده

ربنا يبارك فيك

أحمد فتحي
23rd April 2011, 03:50 PM
اخى ميدو عند اصابة اى طائر باسهال او برد فلا تضع اى فيتامين و لكن ضع العلاج فقط

لان الفيتامينات تزيد من الاسهال فعليك بتغيير الماء الان و وضع به الفلاجيل و هو بشرى اى ستحضره من اى صيدليه بشريه

mido.mo0on
25th April 2011, 04:08 AM
الاسهال راح على فكرة بعد الفلاجيل
بس اكلته خفيفة كده وعامل شبه اللى شارب مخدرات

وديما واقف كاشش وفى اغلب الاوقات حتى وانا حاطه فى الشمس

يلف راسو على ضهرو وينام

mido.mo0on
27th April 2011, 03:41 PM
شكلك زهقت منى
ههههههههههههه
بقولك انا اشتريت زوج انثى البينو وذكر استرالى
لكن الانثى بتقضى حاجتها داخل العش
ايه الحل ؟؟؟

أحمد فتحي
27th April 2011, 06:21 PM
لا طبعا اخى الفاضل لا يوجد اى زهق كل ما فى الامر الانشغال ببعض الامور فلا ادخل كثيرا و اعتذر لكم على ذلك

و لا تقلق بخصوص ما ذكرته فكل هذا طبيعى ان شاء الله

mido.mo0on
28th April 2011, 06:08 AM
ربنا يخليك يا استاذ احمد ويبارك فيك يارب

memo123
28th April 2011, 05:41 PM
طب اخباره ايه دلوقتى

mido.mo0on
29th April 2011, 06:59 AM
والله حالته زى ما هى بياكل وينام بس نفس وقفته دماغه بيلفها تحت جناحه وينام

اما بالنسبة للاسهال ونفشان الريش الموضوع ده خلاص مبقاش يظهر

وعضم صدره بارز اوى من ضعفه

انا بفكر ااكله بلكم بس اسبوع ولا حاجة ايه رايكو ؟؟

mido.mo0on
30th April 2011, 08:43 AM
طيب حابب اوريكم صور الجوز الجديد وتقولو اراكم

بالنسبة للدكر ديما فى المكان ده ينزل بس عشان ياكل

ويرجع مكانه تانى اشتريتهم وكان معاهم فرخ صغير عمر اسبوع تقريبا

ومات قبل ما نوصل البيت ايه النصايح والملاحظات اللى الاعضاء المحترمين شايفنها ؟؟؟

38362
38363

mido.mo0on
2nd May 2011, 11:49 AM
على فكرة حالته بقت اصعب من الاول النهارده

عنيه مقفله الاتنين


ياترى هيموت كده خلاص مفيش اى حاجة تانيه ممكن اعملها ؟؟؟

أحمد فتحي
2nd May 2011, 07:07 PM
اخى الكريم الزوج جميل ما شاء الله

اما الذكر المريض ان كان لا يوجد اسهال او نفش ريش ومجرد عظمة الصدر بارزه

فعليك الاهتمام بالتغذيه جيدا و زيادة نسبة الفلارس

mido.mo0on
2nd May 2011, 10:24 PM
انا حطيتله بلكم بس النهارده وهوا فضلاته لونها اسود خالص وريحتها مقرفة

انا شكلى غلطان انى جيبته حاسس ان شايل ذنبه لا علاج نافع

ولا هوا عاوز يموت بجد تعبنى اوى

mido.mo0on
3rd May 2011, 08:01 AM
للاسف صحيت لقيته ميت

البقاء لله ولا عزاء للسيدات

أحمد فتحي
4th May 2011, 12:05 AM
عوضك الله خير اخى الكريم و جزيت كل خير على نيتك