المساعد الشخصي الرقمي

مشاهدة النسخة كاملة : اسعار في مصر



el nanah
2nd March 2011, 03:41 PM
السلام عليكم
لو سمحتم عايز اعرف شويه حاجات
زي سعر بعض انواع الحمام في مصر
مثلا(البنايده-الشقلباظ-العبسي-الاسترالي-الكركندي-المسافات-المرسلات)
وشكرا

gazelloo
2nd March 2011, 04:33 PM
أخي العزيز أهلا بك

الأسعار متفاوتة جدا في سوق الحمام ـ وتقليب الحمام عالم واسع جدا والسعر يتحدد بناء على التقليب

وسوف أحاول أن أقرب لك وجهة نظري فيما يلي :

ـ بالنسبة للبنايدة الكوشكات ـ تبدأ من 70-80 جنيه للقص وكلما كان العضم ملموم وقصير والفلة مظبوطة والشروان مرسوم ومنظم ومغطي الأضافر والضريبة تمام والفرد قصير ـ كلما كان السعر أعلى ـ وقد يصل السعر في بعض القصوص إلى 300 جنيه .

ـ نفس الكلام بالنسبة للشقلباظ ويبدأ سعره من 50-60 جنيه للقص وقد يصل إلى 450 جنيه ـ لكن الشقلباظ اللعيب يكسب وسعره عالي ـ وقد تجد شقلباظ تقليب عالي لكن مش لعيب والعكس .

ـ الأسترالي على حسب طوله وعضمه وكلما كان طويل كلما كان أغلى وكلما كان العضم محمل كلما كان أفضل وسعره يبدأ من 60 جنيه ولا يتعدى سعر القص العالي مبلغ 120 جنيه

ـ العبسي والكركندي يبدأ من 50 جنيه للشباب و 70 جنيه للقصوص وحسب التقليب

ـ والجمعيات كلما كانت قصيرة كلما كان سعرها أعلى وتبدأ من 70 جنيه للقص

ـ المسافات أو الزواجل بحرها واااااسع جدا فهي تبدأ من 50 جنيه للزوج وليس لها حد أقصى ـ فالأبطال وأصحاب التأصيلات وأبناء الأبطال تباع بأسعار خيالية تتعدى الـ 150 ألف جنيه مصري وتقام لها مزادات عالمية !!

ـ المراسلات أيضا سعرها يتوقف على تقليبها ـ وتقليب المراسلات يحتاج إلى خبير وعلى العموم فإن سعرها يبدأ من 250 جنيه للقص وليس لها حد أقصى للسعر

أتمنى أن أكون قد أفدتك

والله أعلم

el nanah
2nd March 2011, 06:05 PM
الف شكر علي التقدير والرد
وعايز اسال سوال كمان انا دلوقتي لسه جديد في حوار الحمام انت ترشحلي انهي نوع من اللي فاتوا اني اربيه علي العلم اني عندي قص بلدي ملهومش عندي كتير بتعلم فيهم وهما راقدين دلوقتي

el nanah
2nd March 2011, 06:18 PM
اتمني الرد

غاوى زراعة
2nd March 2011, 07:22 PM
انصحك انك تبدا بالرخيص (البلدى)علشان تكتسب خبرة ولو جراله حاجة لاقدر الله يبقى انت مخسرتش كتير ولما تلاقى عندك الخبرة الكافية ابقى ربى اللى انت عاوزه وربنا يوفقك

gazelloo
2nd March 2011, 08:29 PM
على حسب السبب اللي هتربي الحمام من أجله ـ لو للأكل يبقى البلدي والرميات

لو للتربية في بلكونة وتطيير الحمام يبقى الرميات والزواجل والأسترالي والشقلباظ

لو للتربية في داير والنش يبقى غزار وأسترالي وقليل من الرميات

والله أعلم

Medo Mayer
15th March 2011, 02:25 PM
انا عندى 5 اجواز زواجل افهم من كده ان انا ماقدرش أنش بيهم ؟؟

على فكرة انا جديد فى الحوار لسه من يوم السبت او يوم الاحد مش فاكر

gazelloo
15th March 2011, 02:44 PM
الزاجل حمام مسافات وسباقات وهذا أفضل شيئ يمكنه القيام به

يمكنه أخذ مجال والطيران في دوائر حول مسكنه لكن لوقت قليل وعدد لفات قليلة

والنش له حمام وفصائل على رأسها الغزارات والأسترالي ـ فلو قررت تنش يجب أن تمتلك حمام طيار له نفس طويل في اللف والإرتفاع وامتلاك المجال

والله أعلم

Medo Mayer
16th March 2011, 08:27 AM
طيب شكرًا لمساعدتك و معلش تقلت عليك آسف
انا عايز اعرف اية الطريقة الصحيحة للنش

gazelloo
20th March 2011, 02:01 PM
والله يا أخي أنا لست خبيرا في النش ـ وأستطيع أن أقول لك أنا النش مدارس وهو علم واسع ويجب أن تتعلمه من هاوي ذو خبرة سابقة

وأنصحك بالتعلم من هاوي والجلوس معه أثناء النش لتتعلم منه كيف تحافظ على حمامك وتحميه من الضرب عليه وتجعله يحافظ على المجال ويقوم ويحط زي ما إنت عايز

والله أعلم

el nanah
26th March 2011, 06:54 AM
طب دلوقتي ................... اولا / الحمام بتاعي اللي انا لسه بتعلم فيه لتاني مره يبيض و ميطلعش والبيض يبوظ (هما بلدي)
ثانيا انا مربي في بلكونه وعايز اطير ومش مربي للاكل بس اللي عندي دول انا شاريهم كبار كاتميين يعني بس بقلهم عندي كتير ينفع اطيرهم وكمان ياريت تقولولي احسن نوع ابتدي اتعلم التطير فيه غير البلدي

el nanah
26th March 2011, 06:56 AM
هوه ايه الرميات ده

el nanah
26th March 2011, 07:25 AM
ياريت صور للرميات بعد ازنكم
وعايز اعرف سعر الحلبي في مصر

kareem mody
4th May 2011, 01:43 PM
الرميات هى الوشوش زى الكرزليات و الجمعيات و الحمريات و غيرهم من ذوات العظم الطويل

و بالنسبة للنش زى ما قال مشرفنا الغالى النش مدارس و افضل شيئ انك تعد مع حد و هو بينش لان شفوى مش هينفع

abode_a
9th May 2011, 09:23 AM
النش : عباره عن انك تطير حمامك ويكون معاك علم كبير وتشاور بيه على الحمام وتصفر علشان الحماااام يعلى فووق خالص

ولو عايز تخلى حمامك ينزل او يحطط متشاورش بالعلم ومتصفرش خالص علشان ينزل او يحطط

انا كنت بنش انا وابن خالتى لقينا فرد ضايع لبس معانا مشورتش بالعلم ولا صفرت علشان الفرد ما يضيعش وبعدين خليت الحمااام يحطط وركن

فى البيت اللى في وشنا بعدين نزل عندنا ومعاه الفرد الضايع

abode_a
9th May 2011, 09:29 AM
سعر الحماام الحلبى فى مصر الفرد الواحد يعمله من 25 الى 35 جنيه مصرى

مع اختلاف عظمة الفرد

ولو عايز اى شئ فى الحمااام انا مربى وفاهم وعارف كل حاجه عنه

قولى بس وانا هقول لك على كل حاجه

انت منين من مصر

علشان لو من اسكندريه وقريب منى اخدك ونروح عند ابن خالتى وننش انا وانت الحمااام واعلمك

abode_a
9th May 2011, 09:32 AM
حمامك اللى بيبيض ده وبيحصى لما بيبيض بتوريه لاصحابك او بتمسكه

لازم لما الحماام يبيض متقولش لحد خالص ومتوريهوش لحد خالص وتغطى المنير من برا بكرتونه علشان لو حد دخل عندك معاك ميشوفهومش

ومتمسكهومش علشان قشرة البيضه بتبقى خفيفه جدا ولو مسكتها وبعدين سيبتها ممكن فى اى وقت تبوظ

اوك

abode_a
9th May 2011, 09:38 AM
واحنا تحت امرك وفى الخدمه

nesta
22nd May 2011, 09:36 PM
بجد انا استفد منكم شكرا

el nanah
23rd May 2011, 11:16 AM
100000 شكر يا كريم انت وabodeو nesta
ويا بودي انا من الاسكندريه من غبريال والحمام بتاعي طلع لاول مره زغلولين بس انا بما اني لسه جديد جيت اركب لواحد فيهم دبله بس معرفتش ودلوقتي اخوه بيلعب وهوه يا عيني عنده رجل بايظه وحاليا باديله كالسيوم ومش عارف اعمله ايه